Kanceri i zorrës së trashë është një tumor malinj që prek pjesën e zorrëve.
Edhe pse zakonisht prek të moshuarit, kanceri i zorrës së trashë mund të shfaqet në çdo moshë.
Ai fillon si grumbullime të vogla jo kanceroze qelizash të quajtura polipe, që formohen brenda zorrës së trashë.
Me kalimin e kohës, disa nga këto polipe mund të zhvillohen në kancer të zorrës së trashë.
Sipas të dhënave nga agjencia e specializuar e kancerit të OBSH-së, parandalimi i kancerit është një fushë veçanërisht e rëndësishme sepse rreth gjysma e të gjitha rasteve të kancerit janë për shkak të shkaqeve të parandalueshme dhe për rrjedhojë, ato janë të shmangshme.
Pavarësisht gjithçkaje, incidenca e kancerit është në rritje. Aq sa pritet një rritje prej 47% për dy dekadat e ardhshme.
Edhe pse mosha mesatare në të cilën bëhet diagnoza është rreth 70 vjeç dhe shumica e pacientëve janë mbi 50 vjeç, e vërteta është se të dhënat tregojnë për një “shpërthim” të rasteve tek njerëzit nga 20 deri në 49 vjeç.
Ekspertët nxjerrin në pah një hipotezë kryesore.
Braktisja e dietës mesdhetare e bazuar në perime, bishtajore, fruta, vaj ulliri dhe arra rrit rastet e kancerit të zorrës së trashë.
Sipas tyre, ne po kalojmë në një dietë anglo-saksone dhe pasojat shihen tashmë në incidencën e kancerit, veçanërisht kancerit të zorrës së trashë, i cili në këtë kohë është një nga tumoret kryesore në botë.
Ekspertët ritheksojnë rëndësinë e kufizimit të marrjes së produkteve me shumë kalori dhe ultra të përpunuara, siç janë sallamrat./Kohapress.com